Raksmey News / RMN News >ចេញផ្សាយថ្ងៃទី 07/09/2022
ភ្នំពេញ ៖ ពលរដ្ឋ សង្ស័យលោកអធិការ និងលោកមេប៉ុស្តិ៍ ខណ្ឌឬស្សីកែវ បានទទួលលាភ ពីបនល្បែងស្ទូច និងអាប៉ោង ដុះស្លែ ទេីបមិនបង្រ្កាប ! បនល្បែងស្ទូចប្រេងកូឡា និងអាប៉ោង ដុះស្លែមួយកន្លែងនេះ លេងប្រចាំ រាប់ខែរាប់ឆ្នាំ មេបេីកតុងឈ្មោះខ្លា រត់ការបង់អោយអាជ្ញាធរ និងសមត្តកិច្ច ដែលមានទីតាំង នៅម្តុំស្ថិតនៅផ្លូវចូលផ្ទះយាយភូ ភូមិចុងខ្សាច់ សង្កាត់ទួលសង្កែទី ១ ខណ្ឌឬស្សីកែវ រាជធានីភ្នំពេញ ។
បេីយោងតាមប្រភពព័ត៌មាន បានអោយដឹងថា : មេវង់ល្បែងបានរតការបង់អោយលោកមេប៉ុស្តិ៍ទួលសង្កែ នង សាប៊ុង និងលោក ហ៊ាង ថារ៉េត អធិការខណ្ឌឬស្សីកែវ ទេីបល្បែងនេះ គេប្រព្រឹត្តទៅបានយ៉ាងរលូន ហើយឥឡូវតាំងពីមានសារព័ត៌មានចុះជាហូរហែមកទីតាំងខាងលើបានប្ដូរមកចាប់លេងតាំងពីម៉ោង៣:៣០នាទីល្ងាចរហូតដល់១០:៣០នាទីយប់ លេងយ៉ាងរំភើយដោយមិនខ្លាចសមត្ថកិច្ចឡើយ។
ជុំវិញករណីល្បែងខាងលេីនេះអង្គភាពសារព័ត៌មានយើងបាន ទាក់ទង លោក ហ៊ាង ថារ៉េត អធិការខណ្ឌឬស្សីកែវ មិនអាចសុំធ្វេីការបំភ្លឺបានទេ ដោយទូរស័ព្ទ ក្រៅតំបន់សេវាចំណែកលោក នង សាប៊ុង មេប៉ុស្តិ៍ទួលសង្កែក៏មិនមានការឆ្លើយតបតាមរយៈតេឡេក្រាមឡើយ។
ហើយអង្គភាពសារព័ត៌មាន Raksmey News /RMN News បានទាក់ទងតាមទូរសព្ទ ទៅលោកស្រី រាជ ជារឿន ចៅសង្កាត់ទួលសង្កែទី១ បានអោយដឹងថា: កន្លែងហ្នឹងបើកលេងពិតប្រាកដមែន លោកស្រីបានឲ្យកម្លាំងប្រជាការពារចុះទៅ មួយដងរួចមកហើយព្រមទាំងធ្វើកិច្ចសន្យានឹងចាប់យក កៅអីតុល្បែងទៀតផង ហើយពិបាកធ្វើការជាមួយកម្លាំងប៉ុស្តិ៍ប៉ូលីស កន្លងមកបានកម្លាំងប្រជាការពារ នៅក្នុងសង្កាត់ចុះធ្វើកិច្ចការផ្សេងៗ ព្រោះជាខ្សែទទឹងខ្សែបណ្ដោយ !!!!
គួររំលឹកថា កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ទូទាំងប្រទេសត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាសុខសុវត្ថិភាពជួនប្រជាពរដ្ឋ ឲ្យស្របតាម គោល នយោបាយ ភូមិ ឃុំ មានសុវត្តិភាព ទាំង៧ចំណុច របស់ រាជរដ្ឋាភិបាល ដែលដាក់ចេញដោយក្រសួងមហាផ្ទៃ ។
ប្រជាពលរដ្ឋបាននិយាយបន្តទៀតថា÷ ប្រហែលគេបានសែនព្រានដល់សមត្ថកិច្ចក្នុងមូលដ្ឋានក៏ដូចជា លោក អធិការ ខណ្ឌឬស្សីកែវ អស់ហើយមើលទៅបានជាលោកមើលមិនឃើញធ្វើមិនឮ មិនអើពើបង្ក្រាបនិងទប់ស្កាត់ ពួកគាត់ក៏បានបន្តទៀតថា បើល្បែងពេញបន្ទុកដូច្នេះ តើឯណាទៅភូមិឃុំមានសុវត្ថិភាពទាំង៧ចំនុច ?
ប្រជាពលរដ្ឋក្នុងមូលដ្ឋានសង្ឃឹមថា អាជ្ញាធរពាក់ព័ន្ធ ក្នុងសង្កាត់ទួលសង្កែទី១ និងអាជ្ញាធរពាក់ព័ន្ធក្ក្នុងខណ្ឌឬស្សីកែវ និងភ្ញាក់ពីដំណេកលុបមុខ សិតសក់ ឆ្លុះកញ្ចក់ មើលខ្លួនឯងថា បច្ចុប្បន្នខ្លួនមានតួនាទីអ្វី ដើម្បីបម្រើផលប្រយោជន៍ប្រជាពលរដ្ឋនិងបម្រើផលប្រយោជន៍ជាតិទាំងមូលនិង បញ្ជាស់ អំពើចោរកម្ម អសកម្មភាព ដូចជា៖ចោរលួច-ឆក់-ប្លន់-គាស់ផ្ទះប្រជាពលរដ្ឋនិងអំពើហិង្សាក្នុងគ្រួសារផ្សេងៗជាដើម ព្រោះថា ល្បែងគឺជាដើមចមបង្កបង្កើតបទល្មើសក្នុងមូលដ្ឋាន។
ករណីខាងលើនេះប្រជាពលរដ្ឋបានគោរពស្នើសុំដល់ ឯកឧត្តម ឃួន ស្រេង អភិបាលរាជធានីភ្នំពេញ និងលោក ឧត្តមសេនីយ៍ឯក ស ថេត ស្នងការនគនគរបាលរាជធានីភ្នំពេញ យកចិត្តទុកដាក់ក្នុងការចាត់មន្ត្រីជំនាញនៃស្នងការដ្ឋានចុះស្រាវជ្រាវដើម្បីទប់ស្កាត់និងបង្ក្រាបរាល់បទល្មើសល្បែងស៊ីសងខាងលើនេះផង និងជួយមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ/ឃុំ/សង្កាត់ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ?
អង្គភាពអ្នកសារព័ត៌មានយើងខ្ញុំ ចុះផ្សាយខាងលើនេះគ្មានគោលបំណងធ្វើឱ្យប៉ះពាល់ដល់ស្ថាប័នពាក់ព័ន្ធណានោះទេ គ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនា ចូលរួមចំណែកជាមួយរាជរដ្ឋាភិបាលក្នុងការអភិវឌ្ឍន៍សង្គមជាតិ អង្គភាពសារព័ត៌មានយើងរង់ចាំការឆ្លើយបំភ្លឺ គ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មាន សូមអរគុណ៕ ដោយ : N7
https://www.rmn.asia
