លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត ប្រគល់ថវិកាសមាគមមិត្តនគរបាលជាតិកម្ពុជា ជូនដល់ក្រុមគ្រួសារមន្ត្រីនគរបាលមរណៈ ចំនួន០៤ គ្រួសារ
![](http://rmn.asia/wp-content/uploads/2021/06/IMG_20210628_135955_185.jpg)
ខេត្តព្រះវិហារ ៖ នៅថ្ងៃទី២៥ ខែមិថុនា ឆ្នាំ២០២១ លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត និងជាប្រធានគណៈកម្មាធិការមូលដ្ឋានសមាគមមិត្តនគរបាលជាតិកម្ពុជា បានចាត់តាំងឱ្យ លោកឧត្តមសេនីយ៍ត្រី ឌិន ស៊ីដារ៉េត ស្នងការរង ទទួលផែនការងារធនធានមនុស្ស ប្រគល់ថវិកាសមាគមមិត្តនគរបាលជាតិកម្ពុជា ជូនដល់ក្រុមគ្រួសារមន្ត្រីនគរបាលមរណៈ ចំនួន០៤ គ្រួសារសរុបជាទឹកប្រាក់ចំនួន ២៤.០០០.០០០ រៀល (ម្ភៃបួនលានរៀលគត់) និងសារលិខិតចូលរួមរំលែកមរណះទុក្ខ ព្រមទាំងថវិកា របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម នាយឧត្តមសេនីយ៍ សន្តិបណ្ឌិត នេត សារឿន អគ្គស្នងការនគរបាលជាតិ សរុបចំនួន ៧.០០០.០០០រៀល (ប្រាំពីរលានរៀលគត់) ជូនដល់សពមរណះដោយជម្ងឺ កូវីដ.១៩។
ដូចមានរាយឈ្មោះជូនខាងក្រោម ៖
១. លោកស្រី ចៅ ស៊ីផា ត្រូវជាបងស្រីបង្កើត សពលោកវរសេនីយ៍ឯក ចៅ ស៊ីផល ជាស្នងការរង នៃស្នងការដ្ឋាននគរបាលខេត្តព្រះវិហារ មរណះដោយ វិជ្ជមាន កូវីដ.១៩ បានទទួលថវិកាសរុបចំនួន ១៣.០០០.០០០រៀល (ដប់បីលានរៀលគត់) ក្នុងនោះ
- ថវិកាជំនួយរបស់សមាគមមិត្តនគរបាលជាតិកម្ពុជា ចំនួន ៦.០០០.០០០ រៀល (ប្រាំមួយលានរៀលគត់)
- ថវិការបស់សម្តេចក្រឡាហោម ចំនួន ៣.០០០.០០០រៀល (បីលានរៀលគត់គត់) និង
- ថវិការបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិចំនួន ៤.០០០.០០០រៀល (បួនលានរៀលគត់)
២.លោកស្រី ណែម ភាព ត្រូវជាភរិយា សពលោកវរសេនីយ៍ត្រី បូ ផាវ មន្ត្រីនគរបាលចូលនិវត្តន៍ អតីតជានាយផ្នែករដ្ឋបាលសរុប ការិយាល័យនគរបាល បច្ចេកទេស និងវិទ្យាសាស្ត្រ បានទទួលថវិកាជំនួយរបស់សមាគមមិត្តនគរបាលជាតិកម្ពុជា ចំនួន ៦.០០០.០០០ រៀល (ប្រាំមួយលានរៀលគត់)។
៣.លោកស្រី សុក ហ៊ូ ត្រូវជាភរិយាសពលោក អនុសេនីយ៍ទោ យូ គ្រី មន្ត្រីនគរបាលចូលនិវត្តន៍ អតីតជាមន្ត្រីអធិការដ្ឋាននគរបាលស្រុកគូលែន បានទទួលថវិកាជំនួយរបស់សមាគមមិត្តនគរបាលជាតិកម្ពុជា ចំនួន ៦.០០០.០០០ រៀល (ប្រាំមួយលានរៀលគត់)។
៤.លោកស្រី អ៊ី ណារិន ត្រូវជាភរិយាសពលោកអនុសេនីយ៍ទោ ឈឹម សុវណ្ណា ជាមន្ត្រីអធិការដ្ឋាននគរបាលស្រុករវៀង បានទទួលថវិកាជំនួយរបស់សមាគមមិត្តនគរបាលជាតិកម្ពុជា ចំនួន ៦.០០០.០០០ (ប្រាំមួយលានរៀលគត់)។
ថ្លែងក្នុងឱកាសនោះដែរ លោក ឧត្តមសេនីយ៍ត្រី ស្នងការរង បានសំណេះសំណាលជាមួយក្រុមគ្រួសារសព ហើយបានពាំនាំនូវការផ្តាំផ្ញើសាកសួរសុខទុក្ខ និងចូលរួមរំលែកទុក្ខ ពីសំណាក់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសសមាគមន៏មិត្តនគរបាលជាតិកម្ពុជា និង ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ជាប្រធានគណៈកម្មាធិការកណ្តាល សមាគមមិត្តនគរបាលជាតិកម្ពុជាផងដែរ ៕
![](http://rmn.asia/wp-content/uploads/2021/06/IMG_20210628_135957_207.jpg)
![](http://rmn.asia/wp-content/uploads/2021/06/IMG_20210628_135958_436.jpg)
![](http://rmn.asia/wp-content/uploads/2021/06/IMG_20210628_140000_973.jpg)
![](http://rmn.asia/wp-content/uploads/2021/06/IMG_20210628_140002_468.jpg)