សមត្ថកិច្ចនគរបាលខេត្តបាត់ដំបង ឃាត់ខ្លួនបុរសម្នាក់ ករណីប្រេីប្រាស់ និងជួញដូរគ្រឿងញៀន
សមត្ថកិច្ចនគរបាលខេត្តបាត់ដំបង ឃាត់ខ្លួនបុរសម្នាក់ ករណីប្រេីប្រាស់ និងជួញដូរគ្រឿងញៀន ខេត្តបាត់ដំបង៖ កាលពីថ្ងៃសៅរ៍ ទី ២៩ ខែឧសភា ឆ្នាំ២០២១ វេលាម៉ោង២០ និង៣០នាទី នៅចំណុចក្រុម៣២ ភូមិវត្តលៀប សង្កាត់ចំការសំរោង ក្រុងបាត់ដំបង ខេត្តបាត់ដំបង អនុវត្តតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង និងយោបល់របស់លោកឧត្តមសេនីយ៍ត្រី កុយ ហៀង ស្នងការរងផែនការងារគ្រឿងញៀន លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានដឹកនាំកម្លាំងក្នុងអង្គភាពបង្រ្កាបករណីរក្សាទុកដោយខុសច្បាប់នូវសារធាតុញៀន ១ករណី ក្នុងបទល្មើសជាក់ស្តែង។ ក្នុងកិច្ចប្រតិបត្តិកានោះបានឃាត់ខ្លួនជនសង្ស័យម្នាក់ ឈ្មោះ គុយ សុងហាក់ ភេទប្រុស អាយុ ៤០ឆ្នាំ មានទីលំនៅភូមិវត្តលៀប សង្កាត់ចំការសំរោង ក្រុងបាត់ដំបង ខេត្តបាត់ដំបង ។ វត្ថុតាងដែលសមត្ថកិច្ចចាប់យកបានរួមមាន : ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន៨កូនថង់ (ទម្ងន់២,៣០ក្រាមទាំងសំបក) សង្ស័យមានសារធាតុញៀនប្រភេទមេតំហ្វេតាមីន (ម៉ាទឹកកកICE), ទូរស័ព្ទដៃចំនួន ១គ្រឿង, កាបូបដាក់ប្រាក់ពណ៌ខ្មៅចំនួន១ និងដែកកេះចំនួន ១។ បច្ចុប្បន្ននគរបាលក្រុងបាត់ដំបង បានរៀបចំសំណុំរឿងបញ្ជូនជនសង័្សយ និងវត្ថុតាងមកកាន់ការិយាល័យជំនាញដេីម្បីអនុវត្តបន្តតាមផ្លូវច្បាប់៕
Like this:
Like Loading...