សមត្ថកិច្ចនគរបាលខណ្ឌពោធិ៍សែនជ័យឃាត់ខ្លួនយុវជនម្នាក់សង្ស័យកាច់សោម៉ូតូ ក្នុងសង្កាត់ចោមចៅទី ២ភ្នំពេញ : យោងទៅតាមផេករបស់អធិការនគរបាលខណ្ឌពោធិ៍សែនជ័យបានឲ្យដឹងថា : នៅយប់ថ្ងៃទី ២១ ខែ កក្កដា ឆ្នាំ ២០២១ទាបភ្លឺ លោកវរសេនីយ៍ត្រី សាន ប៉ែន នាយប៉ុស្តិ៍នគរបាលរដ្ឋបាលសង្កាត់ចោមចៅទី២ បានដឹកនាំកម្លាំងចេញល្បាតពួនស្ទះ ដេីម្បីបង្ការនិងបង្ក្រាប បទល្មើស ឆក់ ប្លន់ លួច គ្រឿងញៀន នឹងបទល្មើសនានា ក្រោមការបញ្ជាផ្ទាល់ពីលោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យ បានប្រទះឃើញជនសង្ស័យម្នាក់ឈ្មោះ ហេង សេងហួ ភេទប្រុស អាយុ២៤ឆ្នាំ ស្នាក់នៅភូមិចោមចៅ៣ សង្កាត់ចោមចៅទី២ ខណ្ឌពោធិ៍សែនជ័យ កំពុងជិះម៉ូតូ១គ្រឿងក៏បានហៅឲ្យឈប់ស្រាប់តែជនសង្ស័យផ្ដួលម៉ូតូចោលរួចរត់គេចខ្លួន ហើយត្រូវកម្លាំងនគរបាលឃាត់ខ្លួនព្រមទាំងដកហូតវត្ថុតាងរួមមាន៖ ម៉ូតូម៉ាក ហុងដា ជ្រុង១គ្រឿងពណ៌ទឹកប៊ិច ពាក់ស្លាកលេខកណ្ដាល1A-9262 ,ដែកសម្រាប់ឆ្កឹះកូនសោរ១ ,ដែកសម្រាប់កាច់សោរកម៉ូតូ១,និងសោរលេខ៨សម្រាប់ដោះខ្ចៅ១។ហើយបច្ចុប្បន្នជនសង្ស័យសមត្ថកិច្ចកំពុងសាកសួរដើម្បីបន្តនីតិវិធី៕
