អគ្គិភ័យមួយកន្លែងបានកើតឡើងនៅចំណតរថយន្តវីរៈប៊ុនថាមស្ថិតនៅដីឡូត៍មួយកន្លែងក្នុងសង្កាត់ជ្រោយចង្វារ ខណ្ឌជ្រោយចង្វារ
RMN.ASIA.30/7/2021
រាជធានីភ្នំពេញ ៖ នៅវេលាម៉ោង ១៥:៣០ នាទីរសៀល ថៃ្ងសុក្រ ៦រោច ខែទុតិមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣០ ខែកក្កដា ឆ្នាំ២០២១ មានករណីអគ្គីភ័យមួយកន្លែងបានកើតឡើងនៅចំណតរថយន្តវីរៈប៊ុនថាំ ដែលស្ថិតនៅដីឡូតិ៍គ្មានលេខ ផ្លូវលំ ភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
យោងតាមរបាយការណ៍របស់សមត្ថកិច្ចបានឲ្យដឹងថា : ម្ចាស់ទីតាំងឈ្មោះ ស៊ួ វីរៈ ភេទ ប្រុស អាយុ ៥៥ ឆ្នាំមុខរបរម្ចាស់ក្រុមហ៊ុនវីរៈប៊ុនថាំ ។ហើយមូលហេតុបណ្ដាលឲ្យការកើតឡើងអគ្គិភ័យនេះមិនទាន់ដឹងនៅឡើយទេ សមត្ថកិច្ច កំពុងបន្តការស្រាវជ្រាវ ។
ក្នុងការខូចខាតសំភារះ :ឆេះរថយន្តដឹកអ្នកដំណើរវីរៈប៊ុនថាំ ចំនួន ២៣ គ្រឿង និងពុំបានឆេះរាលដាលដល់ផ្ទះអ្នកជិតខាងឡើយ ។ស្លាប់មនុស្ស : ស្លាប់មនុស្សចំនួន ០១ នាក់ (ពុំទាន់ស្គាល់អត្តសញ្ញាណ) ។
រថយន្តការិយាល័យអគ្គិភ័យ ចំនួន ២១ គ្រឿង ប្រេីប្រាស់ទឹកអស់ចំនួន ៦៣ រថយន្ត ស្មេីនឹង ២៥០ ម៉ែត្រគូប ។ អគ្គីភ័យត្រូវបានពន្លត់ទាំងស្រុងនៅវេលាម៉ោង ១៧:៣០ នាទីល្ងាច នាថ្ងៃ.ខែ.ឆ្នាំដដែល ៕
