ខេត្តតាកែវ : ដោយមានការយកចិត្តទុកដាក់ពីសំណាកលោកឧត្តមសេនីយ៍ទោ ឈាង ផាន់ណារ៉ា ស្នង ការនគរបាលខេត្តតាកែវ និងមានការសម្រប់សម្រួលពីឯកឧត្តម ជីវ ចាន់តារា ព្រៈរាជអាជ្ញាអមសាលាដំបូងខេត្តតាកែវ នៅថ្ងៃអង្គារ៍ ១១កើតខែចេត្រឆ្នាំឆ្លូវ ត្រីស័កព.ស ២៥៦៥ ត្រូវនឹងថ្ងៃទី១២ ខែមេសា ឆ្នាំ២០២២ វេលាម៉ោង២២ និង២៥នាទី លោកវរសេនីយ៍ឯក យុគ សារ៉ាត់ អធិ ការនគរបាលស្រុក បានចាត់កម្លាំងជំនាញគ្រឿងញៀន ចុះសហការជាមួយកម្លាំងប៉ុស្តិ៍នគរបាលរដ្ឋបាលភ្នំដិន ចេញល្បាតក្នុងភូមិសាស្រ្ត លុះមកដល់ចំណុចផ្លូវកៅ ស៊ូខាងលិចកាសុីណូថប់ដាយមិន ស្ថិតនៅភូមិផ្សារ ឃុំភ្នំដិន ស្រុកគិរីវង់​ ខេត្តតាកែវ​ បានប្រទះឃើញមុខ សញ្ញាជនសង្ស័យជួញដូរ​ចែកចាយក៏ធ្វើការឃាត់ខ្លួនបានពីរនាក់ក្នុងនោះរួមមាន÷
១.ឈ្មោះ សៅ ប្រុស (ហៅគុយ) ភេទប្រុស អាយុ ៣៨ឆ្នាំមានទីលំនៅភូមិព្រៃតាម៉ៅ ឃុំគិរីចុងកោះ ស្រុកគិរីវង់ ខេត្តតាកែវ ។
២.ឈ្មោះឈឿន ឆវ័ន្ត (ហៅតឿ) ភេទប្រុស អាយុ ២៤ឆ្នាំ មានទីលំនៅភូមិចេក ឃុំគិរីចុងកោះ ស្រុកគិរីវង់ ខេត្តតាកែវ ។ សមត្ថកិច្ចយើងដកហូតវត្ថុតាងរួមមានម្សៅក្រាមថ្លាពណ៍សចំនួន០១កញ្ចប់-រថយន្តសាំយ៉ុងចំនួន០១គ្រឿង ពណ៍ស និងកាំបិតក្រង៉ុកចំនួន ០១ ដើម។
បច្ចុប្បន្នកម្លាំងជំនាញកំពុងធ្វើការសាកសួរ និងកសាងសំណុំរឿងតាម និតិវិធីច្បាប់ ៕
https://www.rmn.asia