ខេត្តកំពង់ស្ពឺ ៖ នារសៀលថ្ងៃទី២២ខែវិច្ឆិកាឆ្នាំ២០២២ វេលាម៉ោង១៥និង៣០នាទី លេីផ្លូវល្បឿនលឿន ចន្លោះគីឡូម៉ែត្រ ៥២-៥៣ ត្រង់ចំណុចភូមិត្រពាំងក្រឡឹង ឃុំគីរីវន្ត ស្រុកភ្នំស្រួច ខេត្តកំពង់ស្ពឺ រថយន្ត ០១គ្រឿង LEXUS GS300 ពាក់ស្លាកលេខភ្នំពេញ 2BM-2573 បើកបរដោយឈ្មោះ សយ ចាន់ភ័ក្តី ភេទប្រុសអាយុ២៦ឆ្នាំ នៅភូមិទំពាច ឃុំតាំងក្រូច ស្រុកសំរោងទង ខេត្តកំពង់ស្ពឺ។
បើកបរមកពីទិសខាងលិចទៅទិសខាងកើត មក ដល់ចំណុចខាងលើ ផ្ទុះកង់បានរេចង្កូតទៅបុករណាំងសុវត្តិភាព (ទ្រូងកណ្តាល) បណ្ដាលឲ្យខូចខាត សម្ភារៈរណាំងសុវត្តិភាព៦ ផ្ទាំង ស្មេីនិងប្រវែង២៤ម៉ែត្រនិងខូចរថយន្ដយ៉ាងដំណំ ។
បើតាមការបញ្ជាក់ពីលោកវរសេនីយ៍ទោ ពៅ នឿន អធិការនគរបាលស្រុកភ្នំស្រួច ទទួលបន្ទុកផ្នែកចរាចរណ៍ ថាគ្រោះថ្នាក់ខាងលេីបណ្ដាលមកពីកត្ដាធ្វេសប្រហែស និងបែកកង់ រថយន្តបេីកលឿនធ្វើអោយការទប់លំនឹងមិនជាប់បាត់ម្ចាស់ការតែម្ដង សំណាងល្អមិនគ្រោះថ្នាក់មនុស្ស បច្ចុប្បន្នរថយន្តបានយកមករក្សាទុកនៅក្រុមហ៊ុនផ្លូវល្បឿនលឿននៅ K26 ស្រុកសំរោងទង ដើម្បីដោះស្រាយ សំណងការខូចខាតជូនក្រុមហ៊ុន ។ សូមបេីកបរដោយការគោរពច្បាប់ ៕
RaksmeyNews ព័ត៌មានទាន់ហេតុការណ៍ សូមទំនាក់ទំនងផ្ដល់ព័ត៌មាន 012 278 222
