ប្រធានាធិបតី អ៊ុយក្រែន សុំបារាំង និងអាឡឺម៉ង់ប្រគល់យន្តហោះចម្បាំង សម្រាប់ទប់ទល់រុស្ស៊ី

Byrmnasia

Feb 11, 2023

ក្រុងឡុងដ៍ៈ មេដឹកនាំអ៊ុយក្រែន នៅក្នុងជំនួបជាមួយមន្ត្រីអង់គ្លេស កាលពីល្ងាចម្សិលមិញ បាលើកសំណើរសុំយន្តហោះចម្បាំងពីប្រទេសបារាំង និងអាល្លឺម៉ង់ ដើម្បីប្រើក្នុងសង្គ្រាមជាមួយរុស្ស៊ី។

ប្រធានាធិបតីអ៊ុយក្រែន លោក វ៉ូឡូឌីមៀ ហ្សឺឡឹនស្គី (Volodymyr Zelensky) បានជួបមេដឹកនាំប្រទេសទាំងពីរ នៅទីក្រុងប៉ារីស ប្រទេសបារំាំង។

ប្រធានាធិបតីបារំាង លោក អ៊ីម៉ាណូអែល ម៉ាក្រុង (Emmanuel Macron ) និងអធិការបតីអាល្លឺម៉ង់ លោក អូឡាហ្វ សូល (Olaf Scholz) បានរំលឹកឡើងវិញថា រុស្ស៊ីមិនអាចឈ្នះសង្រ្គាមនេះទេ។

លោក វ៉ូឡូឌីមៀ ហ្សឺឡឹនស្គី នឹងធ្វើសំណើបន្ថែមទៀត ដើម្បីសុំយន្តហោះនៅពេលលោកជួបជាមួយមេដឹកនាំសហភាពអឺរ៉ុបផ្សេងទៀត នៅទីក្រុងព្រុចសែល ប្រទេសបែលហ្សិច។

លោកជឿជាក់ថា យន្តហោះចម្បាំង និងកាំជ្រួចបាញ់ចម្ងាយឆ្ងាយមានសារៈណាស់ ដើមដើម្បីគាំទ្ររថក្រោះ Leopard 2 ដែលប្រទេសលោកខាងលិច បានប្តេជ្ញាក្នុងការផ្គត់ផ្គង់នាពេលថ្មីៗនេះ។

ថ្លែងនៅក្នុងសន្និសីទសារព័ត៌មានរួមគ្នាមួយ កាលពីល្ងាចម្សិលមិញ លោក អ៊ីម៉ាណូអែល ម៉ាក្រុង និងអធិការបតីអាល្លឺម៉ង់ លោក អូឡាហ្វ សូល
បាននិយាយថា ប្រទេសបារាំង និងអាល្លឺម៉ង់មាន លទ្ធភាពក្នុងការផ្លាស់ប្តូរយុទ្ធសាស្ត្រប្រយុទ្ធជាមួយរុស្ស៊ី។

លោក អ៊ីម៉ាណូអែល ម៉ាក្រុង បាននិយាយថា អ៊ុយក្រែនអាចពឹងផ្អែកលើការគាំទ្ររបស់បារាំង ហើយថាប្រទេសបារាំង បានប្តេជ្ញាចិត្តជួយអ៊ុយក្រែន ឲ្យទទួលបានជ័យជម្នះ។

ទាំងប្រធានាធិបតីបារាំង និងអធិការបតីអាល្លឺម៉ង់ ពេលខ្លះបានប្រឈមមុខនឹងការរិះគន់ចំពោះការយឺតយ៉ាវក្នុងការគាំទ្រអ៊ុយក្រែន។

លោក វ៉ូឡូឌីមៀ ហ្សឺឡឹនស្គី ធ្លាប់បានសម្តែងការខកចិត្តចំពោះមេដឹកនាំបារាំង ដែលបានបន្តការសន្ទនាតាមទូរស័ព្ទជាមួយប្រធានាធិបតីរុស្ស៊ី លោក វ៉្លាឌីមៀ ពូទីន (Vladimir Putin)។

ដំណើរទស្សនកិច្ច លោក វ៉ូឡូឌីមៀ ហហ្សឺឡឹនស្គី នៅទីក្រុងព្រុចសែល បានកើតឡើងបន្ទាប់ពីលោកបានថ្លែងទៅកាន់សភាចក្រភពអង់គ្លេសកាលពីថ្ងៃពុធ។

នៅទីនោះ លោកក៏បានជំរុញឲ្យទីក្រុងឡុងដ៍ផ្គត់ផ្គង់យន្តហោះចម្បាំងដើម្បីគាំទ្រកិច្ចប្រឹងប្រែងធ្វើសង្រ្គាមរបស់អ៊ុយក្រែន។

លោកបាននិយាយថា «សេរីភាពនឹងឈ្នះ យើងដឹងថា រុស្ស៊ីនឹងចាញ់សង្គ្រសុំ។ ជ័យជម្នះ គឺជាអាយុជីវិតរបស់យើង»។

រុស្ស៊ីបានព្រមានថា នឹងចាត់វិធានតបវិញ ប្រសិនបើនរណាម្នាក់ ហ៊ានផ្តល់យន្តហោះដល់អ៊ុយក្រែន៕
https://t.me/+cYqQWKH24_I5ZjE1
https://www.rmn.asia