ចេញផ្សាយថ្ងៃទី ២៦.០៥.២០២២
ភ្នំពេញ ៖ ខណៈអាជ្ញាធរមានសមត្ថកិច្ចកំពុងរវល់រឿងឃោសនាការបោះឆ្នោតឃុំ-សង្កាត់នាពេលខាងមុខនេះ ម្ចាស់ហាងកាហ្វេឈ្មោះ ចាន់ ដែរមានទីតាំងស្ថិតនៅ ភូមិពងទឹក សង្កាត់ពងទឹក ខណ្ឌដង្កោ រាជធានីភ្នំពេញ បានលួចបេីកល្បែងស៊ីសងមាន់ជល់តាមទូរទស្សន៍ ភ្នាល់លុយរាប់សិបលានក្នុងមួយថ្ងៃ ៗ ហើយល្បែងស៊ីសងប្រភេទមាន់ជល់តាមទូរទស្សន៍នេះមិនមែន មានតែនៅកន្លែងហាងកាហ្វេម្ចាស់ឈ្មោះ ចាន់ នេះតែមួយទេ នៅមានមួយទីតាំងទៀតដែរនៅក្បែរនោះដែរដោយបងប្អូន លោក ហាក់ គួយ ចៅសង្កាត់ពងទឹកជាអអ្នកបេីកតែម្ដង ហេតុអ្វី ? លោកចៅសង្កាត់មិនបង្ក្រាប ? ។
ពលរដ្ឋដែលរស់នៅទីនោះដាក់ការសង្ស័យថា ប្រហែលលោក ហាក់ គួយ ចៅសង្កាត់ពងទឹកត្រូវថ្នាំសន្ដំគេហើយមេីលទៅ បានជាមេីលមិនឃេីញកន្លែងបេីកល្បែងស៊ីសងដែលនៅក្បែរផ្ទះរបស់លោកបែបនេះ ពិសេសសូម្បីតែសម្ថកិច្ចក៏មិនហ៊ានទៅក្បែរផង។
ជាមួយគ្នានេះដែរប្រជាពលរដ្ឋ ដែលរស់នៅក្បែរទីតាំងល្បែងស៊ីសងទាំងអស់នោះ សំណូមពរដល់លោកស្រី គឹម ញឹប អភិបាលខណ្ឌដង្កោ និងលោក ជឹម ស៉ីថា អធិការនគរបាលខណ្ឌដង្កោ មានវិធានការចំពោះទីតាំងល្បែងស៉ីសងខាងលេីនេះផង។
សូមបញ្ជាក់ថា កន្លងមក លោក ឃួង ស្រេង អភិបាល នៃគណៈអភិបាលរាជធានីភ្នំពេញ និងលោក ស ថេត អគ្គស្នងការរងនិងជាស្នងការនគរបាលរាជធានីភ្នំពេញ បានដាក់បទបញ្ជានិងព្រមានចាត់វិធានការក្តៅទៅលើមន្ត្រីក្រោមឱវាទ អធិការ ក្រុង-ស្រុក និងនាយប៉ុស្តិ៍រដ្ឋបាលឃុំ-សង្កាត់នានា ដែលទុកបណ្តោយឲ្យមានសកម្មភាពល្បែងស៊ីសងគ្រប់ប្រភេទខុសច្បាប់។
បើយោងតាមច្បាប់ បទល្មើសល្បែងស៊ីសង ក្នុងជំពូកទី ៣ ទោសបញ្ញត្តិបានចែងនៅក្នុង មាត្រាទី ៤ ជនណាលេងល្បែងស៊ីសង ជននោះត្រូវផ្ដន្ទាទោសពិន័យជាប្រាក់ ១០០០០ រៀលដល់ ៥០០០០ រៀលឬដាក់ពន្ធនាគារពី ១ថ្ងៃដល់ ១ខែក្នុងករណីមិនរាងចាលទៀត ទោសពិន័យជាប្រាក់ពី ២០ម៉ឺនរៀល ដល់ ៥ សែនរៀល ដាក់ពន្ធនាគារពី ១ខែដល់ ១ឆ្នាំ ។
មាត្រាទី ៥ ត្រូវផ្ដន្ទាទោសពិន័យជាប្រាក់ពី ៥លានរៀល ដល់ ២០លានរៀល នឹងដាក់ពន្ធនាគារពី ១ឆ្នាំ ដល់ ៥ឆ្នាំ ចំពោះអ្នកបើកល្បែងស៊ីសង អ្នកចាត់ចែង និងភ្ងាក់ងារស៊ីសង ក្នុងករណីពុំរាងចាល ត្រូវផ្ដន្ទាទោសពិន័យដាក់ពន្ធនាគារខាងលើជាអតិបរិមា នឹងមានមាត្រាទី ៦ / ៧ / ៨ / ៩ /១០និង ១១ ទៀតផង ។
ក្រុមការងារអ្នកសារព័ត៌មានយើង Raksmey News /RMN News រងចាំការឆ្លើយបំភ្លឺ គ្រប់ស្ថាប័ន ពាក់ព័ន្ធ គ្រប់ពេល ម៉ោងធ្វើការ តាមរបបអ្នកសារព័ត៌មាន សូមអរគុណ ៕ N 7
ទូរសព្ទទំនាក់ទំនង : 012278222
https://www.rmn.asia
