ភ្នំពេញ៖ ទីតាំងបង្កប់​ល្បែង​ស៊ី​សង​ ឆ្នោតឡូតូ មាន់ជល់អនឡាញ ប្រចាំខណ្ឌពោធ៍សែនជ័យ សមត្ថកិច្ចពាក់ព័ន្ធ មើលអត់ឃើញដោយសារមានរនាំងបាំងយ៉ាងក្រាស់ ធ្វើឲ្យអាជ្ញាធរមូលដ្ឋាន មិនហ៊ានចុះទៅបង្ក្រាបឡើយ ដែលតាំងល្បែងស៊ីសងតាមប្រព័ន្ធអនឡាញ ស្ថិតនៅ​តាម​បណ្ដោយ ផ្លូវ១០៩ ភូមិក្បាលដំរីទី២ សង្កាត់កាកាបទី២ ដែលមានម្ចាស់ជាជនជាតិចិន និងទីតាំងជ្រកក្រោមផ្លាកយីហោតារាងបាល់ទះភូមិយើង  បុរីឈូកវ៉ា២ ផ្លូវលំ ភូមិកាកាប សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ​។

ប្រភពព័ត៌មានបានឲ្យដឹងថា៖ ទីតាំង​ល្បែងស៊ីសង ឆ្នោតឡូតូ ជល់មាន់តាមប្រព័ន្ធអនឡាញ ស្ថិតនៅតាមបណ្ដោយផ្លូវ១០៩ភូមិក្បាលដំរី២ និង ទីតាំងជ្រកក្រោមផ្លាកយីហោតារាងបាល់ទះភូមិយើង ភូមិកាកា បុរីឈូកវ៉ា២ ខាងលើនេះ គេសង្ស័យថាប្រហែលជាមានការសែនព្រេនរៀងរាល់ថ្ងៃសីលដល់បារមីម្ចាស់ទឹកម្ចាស់ដី អស់ហើយមើលទៅ ទើបអាចបិទបាំងលាក់ខ្លួនបំពួនកាយមិនឲ្យអាជ្ញាធរនិងសមត្ថកិច្ចពាក់ព័ន្ធណាម្នាក់មើលឃើញ។

ប្រភពដដែលបានបន្តទៀតថា ម្ចាស់បនល្បែង ឡូតូ យោគី និងមាន់ជល់តាមប្រព័ន្ធអនឡាញ ជាជនជាតិចិន បានជួលកន្លែងបើកអោយលេងល្បែង ភាគច្រើនអ្នកលេងជាអ្នករត់តាក់ស៊ី អ្នកមកលេងល្បែងចាប់ពីម៉ោង 3:00 ល្ងាចរហូតដល់យប់ម៉ោង 8:00 មានមនុស្សមកលេងច្រើន  មានគេធ្លាប់ស្គាល់ថា មានស្គាល់ខ្សែធំៗ ទើបអាច មានការបើកលេងល្បែង ឲ្យស៊ីសងដាក់លុយធំៗ  ម្ចាស់ទីតាំងល្បែងស៊ីសងខាងលើនេះ មានការអួតក្អែងៗ ប្រាប់អ្នកដែលមកលេងកន្លែងរបស់ខ្លួន ឱ្យតែអ្នកមកលេងល្បែងស៊ីសងនៅទីតាំងរបស់ខ្លួន មិនបាច់ភ័យខ្លាចនោះទេ ពួកគេបានរត់ការរួចអស់ហើយ ។

ករណីខាងលើនេះអង្គភាពសារព័ត៌មានយើងបានទំនាក់ទំនង តាមរយៈតេឡេក្រាមដើម្បីរាយការណ៍ជូនលោកវីរៈសេនីយ៍ត្រី ជ្រេង ធី នាយប៉ុស្តិ៍នគរបាលសង្កាត់កាកាបទី២ លោកបានចូលមើលតែមិនមានការឆ្លើយតបនោះទេ !ហើយប្រជាពលរដ្ឋដែលរស់នៅជិតទីតាំងល្បែង អនឡាញ បានឱ្យដឹងថាពុំមានសមត្ថកិច្ចណាមក ចុះបង្ក្រាបនោះទេ ប្រហែលជាឆ្នាំងបាយរបស់សមត្ថកិច្ចមូលដ្ឋានទាំងនោះហើយមើលទៅ/?

ទោះជាយ៉ាងណាក្តី ប្រជាពលរដ្ឋមានការព្រួយបារម្ភ ចំពោះវត្តមានទីតាំងល្បែងស៊ីសងខុសច្បាប់ទាំងនេះ ដែលកំពុងតែប្រមូលផ្ដុំគ្នាលេងល្បែងភ្នាល់ដាក់លុយជាហេតុបង្កឲ្យមានការជំលោះទាស់ទែងគ្នា ក្នុងគ្រួសារ មានអំពើឆក់ប្លន់ និងភាពអសន្តិសុខផ្សេងៗជាដើម។ហើយប្រជាពលរដ្ឋក៏បានស្នើសុំដល់លោក លោក សក់ ចន្ទ័កញ្ញារិទ្ធ អភិបាលខណ្ឌពោធិ៍សែនជ័យ និង​ លោក ម៉ន វុទ្ធី អធិការ នគរបាលខណ្ឌពោធិ៍សែនជ័យ ជួយចាត់វិធានការបង្ក្រាបទីតាំងល្បែងស៊ីសងខុសច្បាប់ខាងលើនេះផង។

សូមរំលឹកថា នាពេលកន្លងមក ស្នងការដ្ឋាននគរបាលរាជធានីភ្នំពេញ លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានដឹកនាំកិច្ចប្រជុំជាមួយលោកស្នងការរង ទទួលការងារព្រហ្មទណ្ឌ លោកលោកស្រីនាយ នាយរងការិយាល័យជំនាញព្រហ្មទណ្ឌ លោកលោកស្រី អធិការរង លោលោកស្រីនាយផ្នែក ទទួលការងារជំនាញព្រហ្មទណ្ឌនៃអធិការដ្ឋាននគរបាលខណ្ឌទាំង១៤ ដើម្បីពង្រឹងអនុវត្តវិធានការបង្ការទប់ស្កាត់និងបង្រ្កាបបទល្មើសព្រហ្មទណ្ឌផ្សេងៗឲ្យមានប្រសិទ្ធភាពផងដែរ។

ជាមួយគ្នានោះដែរ ប្រជាពលរដ្ឋរស់នៅក្នុងមូលដ្ឋានខណ្ឌបានសូមនូមពរទៅដល់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ជាពិសេសលោកឧត្តមសេនីយ៍ឯក ជួន ណារិន្ទ  អគ្គស្នងការរង និងជាស្នងការនគរបាលរាជធានីភ្នំពេញ និង លោកវរសេនីយ៍ឯក ម៉ន វុទ្ធី អធិការ នគរបាលខណ្ឌពោធិ៍សែនជ័យ ចាត់កម្លាំងជំនាញចុះធ្វើការបង្រ្កាបទីតាំងល្បែងស៊ីសងខុសច្បាប់កំពុងបើកការលេងភ្នាល់ដាក់ប្រាក់ យ៉ាងពេញទំហឹង នៅក្នុងមូលដ្ឋានខាងលើនេះដើម្បីធានានូវសន្តិសុខសុវត្ថិភាព ជាពិសេសភូមិ-ឃុំមានសុវត្ថិភាពទាំង៧ចំណុចរបស់រាជរដ្ឋាភិបាលដែលបានដាក់ចេញដោយក្រសួងមហាផ្ទៃឲ្យមានប្រសិទ្ធភាពខ្ពស់ផង៕