រាជធានីភ្នំពេញ: លោក សក់ ចន្ទ័កញ្ញារិទ្ធ ប្រធានគណៈបញ្ជាការឯកភាពរដ្ឋបាលខណ្ឌ តែងតែណែនាំឱ្បគណៈបញ្ជាការខណ្ឌ ឧស្សាហ៍ចុះធ្វើរដ្ឋបាលតាមមូលដ្ឋាន ដូចជាទីតាំងមជ្ឈមណ្ឌលកីឡា តារាងបាល់ទះ ហាងកាហ្វេជួបជុំពាក់ពពូន ដើម្បីធ្វើយ៉ាងណាទប់ស្កាត់នូវការជួបជុំជ្រក់កោននាំគ្នាលេងល្បែងស៊ីសង ឬប្រព្រឹត្តបទល្មើសផ្សេងៗដែលផ្ទុយពីគោលនយោបាយ ភូមិ ឃុំ សង្កាត់ មានសុវត្ថិភាពទាំង ៧ចំណុចរបស់ក្រសួងមហាផ្ទៃ។
![](http://rmn.asia/wp-content/uploads/2024/06/261815B8-32BF-4231-A0CD-12953862BE12.jpeg)
ជាក់ស្ដែងតារាងបាល់ទះមួយកន្លែងស្ថិតនៅភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ទីតាំងនេះមានបង្កប់លេងល្បែងស៊ីសង ហើយក៏ត្រូវបានអាជ្ញាធរខណ្ឌពោធិ៍សែនជ័យ ធ្លាប់បានធ្វើការណែនាំអប់រំជាច្រើនលើកច្រើនសារ និងទុកឱកាសឱ្យម្ចាស់តារាងបាល់ទះនេះធ្វើការកែសម្រួល។ ក្រោយមានការអប់រំ មិនទាន់ទាំងបានប៉ុន្មានថ្ងៃផងទីតាំងមួយនេះដាក់ដំណើរការលេងល្បែងស៊ីសងខុសច្បាប់សារជាថ្មី។ ហាក់បីដូចជាមិនខ្វល់ពីការអប់រំ និងមានចរិតផ្គើនទៅនឹងគោល គោលការណ៍របស់ អាជ្ញាធរមូលដ្ឋាន ជាពិសេសគោលនយោបាយភូមិ ឃុំ សង្កាត់ មានសុវត្ថិភាព ដែលជាគោលនយោបាយស្នូលសម្រាប់មូលដ្ឋានថ្នាក់ក្រោមជាតិយកទៅអនុវត្ត។
![](http://rmn.asia/wp-content/uploads/2024/06/F05F0FB4-79D2-49A2-B248-432C51FFA4F0.jpeg)
គួររំលឹកផងដែរថា, ទីតាំងមួយកន្លែងនេះ រាល់ពេលដែលអាជ្ញាធរចុះធ្វើការអប់រំ និងណែនាំ ម្ចាស់តារាងតែងតែគេចមុខមិនចេញមកទទួលខុសត្រូវចំពោះមុខអាជ្ញាធរនោះទេ តែងតែរុញ ឱ្យអ្នកនេះ ឱ្យអ្នកនោះ មកជួបជំនួស ទោះតែយ៉ាងណាក៏អាជ្ញាធរនៅតែមានការអត់ធ្មត់ដោយសារតែទុកឱកាស ឱ្យប្រជាពលរដ្ឋក្នុងមូលដ្ឋាន ធ្វើការរកស៊ីទទួលទាន គ្រាន់តែសុំថា ធ្វើយ៉ាងណាឱ្យស្ដាប់ការណែនាំរបស់អាជ្ញាធរ។
![](http://rmn.asia/wp-content/uploads/2024/06/3B4CD177-9580-4F0F-B5AE-7C6BC8E09AAB.jpeg)
តួយ៉ាងដូចជាកាលពីរថ្មីៗនេះ, ថ្ងៃទី១៣ ខែមិថុនា ឆ្នាំ២០២៤ គណៈបញ្ជាការរដ្ឋបាលខណ្ឌពោធិ៍សែនជ័យ បានធ្វើការចុះអប់រំ និងណែនាំម្ដងទៀតរួចមកហើយ ក៏ប៉ុន្តែម្ចាស់ទីតាំងមួយនេះនៅតែផ្គើននិងអាជ្ញាធរ រហូតឈានដល់ថ្ងៃទី១៥ ខែមិថុនា ឆ្នាំ២០២៤ វេលាម៉ោង៤.៣០នាទីរសៀល គណៈបញ្ជាការឯកភាពរដ្ឋបាលខណ្ឌពោធិ៍សែនជ័យ សម្រេចចិត្តចុះរុះរើ និងបិទទីតាំងនេះចោលទាំងស្រុងតែម្ដងក្រោមហេតុផល ម្ចាស់ទីតាំងបានផ្ដល់ឱ្យមានបទល្មើសល្បែងស៊ីសងខុសច្បាប់៕
![](http://rmn.asia/wp-content/uploads/2024/06/C3198D0C-D746-4324-AD08-10088D3002A9.jpeg)
https://www.facebook.com/FastNewRaksmey?mibextid=ZbWKwL
https://www.rmn.asia
https://t.me/+cYqQWKH24_I5ZjE1
RaksmeyNews ព័ត៌មានទាន់ហេតុការណ៍ សូមទំនាក់ទំនងផ្ដល់ព័ត៌មាន 086976222។
📍ការិយាល័យកណ្ដាល គេហទំព័រ រស្មី ញ៉ូស៍ (បុគ្គលិកប្រចាំការ) ☎️012 278 222 អង្គភាពយើងខ្ញុំមានមេធាវី 03 រូប សម្រាប់ការពារក្ដី បើលោកអ្នកជួបរឿងអយុត្តិធម៏យើងខ្ញុំជួយណែនាំជូន។
សូមអរគុណ
![](http://rmn.asia/wp-content/uploads/2024/06/5C653364-4CFF-4F84-BA01-730C172BF12E.jpeg)
![](http://rmn.asia/wp-content/uploads/2024/06/F3885556-05B3-4E17-B358-7828DC4345E9-1024x697.jpeg)
![](http://rmn.asia/wp-content/uploads/2024/06/8588A2AC-0DB8-438F-BFCD-86256E56A844.jpeg)