ខេត្តព្រះវិហារ ៖ នៅព្រឹកថ្ងៃទី​៣០ ខែកក្កដា ឆ្នាំ២០២៥នេះ  ខណៈដែលអគ្គមេបញ្ជាការកងទ័ពម៉ាឡេស៊ី ឯកអគ្គរាជទូតសហរដ្ឋអង់គ្លេស ឯកអគ្គរដ្ឋទូតសិង្ហបុរី រួមជាមួយបណ្តាអនុព័ន្ធ និងសេនានុព័ន្ធនានាដែលមានការិយាល័យអចិន្ត្រៃយ៍នៅរាជធានីភ្នំពេញ បានអញ្ជើញចុះពិនិត្យ និងសង្កេតការណ៍នៅតាមបណ្តោយតំបន់ព្រំដែនកម្ពុជា–ថៃ ជាពិសេសនៅតំបន់ប្រាសាទព្រះវិហារដែលជាកន្លែងស្ថិតនៅជិតតំបន់ប្រឈមមុខនៃសមរភូមិ។

គោលបំណងនៃការចុះពិនិត្យដ៏សំខាន់នេះ គឺដើម្បីធានា និងផ្តល់ភាពប្រាកដប្រជានូវការអនុវត្តនៃកិច្ចព្រមព្រៀងបទឈប់បាញ់ ដែលបានបញ្ចប់ការប្រយុទ្ធរវាងកងទ័ពកម្ពុជា និងកងទ័ពថៃនៅតំបន់ព្រំដែន។ ការសង្កេតការណ៍ផ្ទាល់នៃតំបន់អនុវត្ត ក៏ជាគន្លងសំខាន់មួយក្នុងការគាំទ្រឲ្យមានសន្តិភាព និងស្ថិរភាពយូរអង្វែងនៅតំបន់ព្រំដែន។

ប៉ុន្តែពេលដំណើរចុះស្ថានភាពកំពុងអនុវត្តការណ៍នោះ ក៏បានបញ្ជាក់ផងដែរ នូវការចាប់អារម្មណ៍យ៉ាងខ្លាំងពីសំណាក់សហគមន៍អន្តរជាតិចំពោះស្ថានភាពសន្តិសុខតំបន់នេះ។ ក្រុមប្រតិភូអន្តរជាតិទាំងនេះ បានបញ្ជាក់អំពីក្តីសង្ឃឹមថា ភាគីទាំងពីរ នឹងបន្តគោរព និងអនុវត្តយ៉ាងម៉ឺងម៉ាត់តាមបទព្រមព្រៀង ដែលជាគន្លងសំខាន់មួយនៃការពង្រឹងសន្តិភាព និងការរួបរួមគ្នាថ្នាក់តំបន់។

គួររំលឹកដែរថា តំបន់ប្រាសាទព្រះវិហារ គឺជាតំបន់មានប្រវត្តិសាស្ត្រសម្បូរបែប និងមានសារៈសំខាន់ផ្នែកវប្បធម៌ជាតិ ជាពិសេសជាតំបន់ដែលធ្លាប់មានវិវាទកង្វល់ខ្លាំងជាមួយប្រទេសជាប់ខាង។ ការចុះសង្កេតការណ៍នេះត្រូវបានចាត់ទុកថាជាចំណុចវិជ្ជមានមួយ ក្នុងការទាញយកការចូលរួមរបស់សហគមន៍អន្តរជាតិនាំឲ្យមានសន្តិភាពប្រកបដោយស្ថិរភាពជាក់លាក់ជាងមុន៕N7