លោក ប៉ាង លីដា អភិបាលរងខណ្ឌពោធិ៍សែនជ័យដឹកនាំកម្លាំងចុះរៀបចំសណ្តាប់ធ្នាប់តាមផ្លូវជាតិលេខ៤
ភ្នំពេញ ៖ លោក ប៉ាង លីដា អភិបាលរងខណ្ឌ ពោធិ៍សែនជ័យ ព្រមទាំងគណៈបញ្ជាការឯកភាព ខណ្ឌ នាព្រឹកថ្ងៃទី០៧ មករា ២០២២ក្រោយពីបញ្ចប់ការពារក្បួន VIP ក៍បន្តដឹកនាំកម្លាំងសន្តិសុខ ចុះរៀបចំសណ្តាប់ធ្នាបរបៀបរៀបរយសាធារណៈ និងអនាម័យ នៅតាមដងផ្លូវជាតិលេខ៤ ជាពិសេសផ្សារជម្ពូវ័ន្ត ដោយចាប់ពីរង្វង់មូលចោមចៅ រហូតដល់ព្រំប្រទល់ខណ្ឌកំបូល។
ក្នុងនោះអាជ្ញាធរខណ្ឌបានប្រកាសផ្សព្វផ្សាយសេចក្តីជូនដំណឹងដល់បងប្អូនដែលប្រកបអាជីវកម្មផ្សេងៗតាមគោលដៅខាងលើត្រូវលក់មានរបៀបរាបរយតាមគំនូសដែលរដ្ឋបាលខណ្ឌបានកំណត់ជូនដោយទុកចិញ្ចើមផ្លូវ សំរាប់ថ្មើរជើង និងរក្សារអនាម័យបរិស្ថានឲ្យបានស្អាត មានសោភ័ណភាពរល្អផងនិងណែនាំដល់ខាងមន្ត្រីសាលាសង្កាត់ចោមចៅ៣ និងផ្សារជម្ពូវ័ន្ត ត្រូវបន្តរៀបចំសណ្ដាប់ធ្នាប់ដើម្បីជៀសវាងមានការកកស្ទះចរាចរណ៍៕
