គ្រោះករណីអគ្គីភ័យឆាបឆេះរថយន្តចំនួន០១គ្រឿងតាមបណ្តោយផ្លូវជាតិលេខ៣២ ផ្លូវឡើងទៅបូកគោ
ខេត្តកំពត៖ ថ្ងៃចន្ទ ១កើត ខែបុស្ស ឆ្នាំឆ្លូវ ត្រីស័ក.ព ស ២៥៦៥ ត្រូវនឹងថ្ងៃទី០៣ ខែមករា ឆ្នាំ២០២២ វេលាម៉ោង ១៣និង១០នាទី មានករណីអគ្គីភ័យឆាបឆេះរថយន្តចំនួន០១គ្រឿងតាមបណ្តោយផ្លូវជាតិលេខ៣២ ផ្លូវឡើងបូកគោ ចន្លោះបង្គោលគីឡូម៉ែត្រលេខ ១៥-១៦ ស្ថិតនៅភូមិរលួស សង្កាត់បឹងទូក ក្រុងបូកគោ ខេត្តកំពត ។
រថយន្តម៉ាកកាម៉ារីបាឡែន ពណ៍ទឹកប្រាក់ ពាក់ស្លាកលេខ ភ្នំពេញ ២S ៣៧៤៥ មានទិសដៅពីក្រោមឡើងទៅលើភ្នំបូកគោ លុះដល់កន្លែងកើតហេតុបានឆ្លងភ្លើងបណ្ដាលអោយឆេះតែម្ដង ។
ករណីនេះរថយន្តពន្លត់អគ្គីភយ័របស់ក្រុមហ៊ុនអូតែលសុខាបានចុះមកអន្តរាគមន៍បាញ់ពន្លត់អគ្គិភ័យនេះផងដែរ ។
+ អ្នកបើបររថយន្ដឈ្មោះ ចាប ផាង ភេទ ប្រុស អាយុ ៦៤ ឆ្នាំ រស់នៅភូមិឡូរី សង្កាត់រកាក្នុង ក្រុងដូនកែវ ខេត្តតាកែវ មិនមានរបួសនិងអ្នករួមដំណើរមួយនាក់ឈ្មោះ ភឹម សាវុធ ភេទ ប្រុស អាយុ ៦៥ ឆ្នាំ រស់នៅភូមិសែនបន ឃុំលាយបូរ ស្រុកត្រាំកក់ខេត្តតាកែវ មិនមានរបួស ។
រថយន្តដែលឆេះត្រូវបានកម្លាំងជំនាញទាក់ទងឡានស្ទួច ដើម្បីស្ទួចយកមករក្សាទុកនៅអធិការដ្ឋាននគរបាលក្រុងបូកគោ ៕
