គ្រោះថ្នាក់ចរាចរណ៍ជាឯកតោភាគី បានឆក់យកជីវិតមនុស្ស ចំនួន ៤ នាក់ស្ថិតនៅក្នុងស្រុកស្វាយចេក ខេត្តបន្ទាយមានជ័យ
ខេត្តបន្ទាយមានជ័យ ៖ នៅវេលាម៉ោង13.40នាទីរសៀលថ្ងៃទី22ខែសីហាឆ្នាំ2021នេះមានគ្រោះថ្នាក់ចរាចរណ៍មួយកេីតឡេីងនៅចំណុចបង្គោលគីឡូម៉ែត្រលេខ25លេីកំណាត់ផ្លូវជាតិលេខ58កន្លែងផ្លូវកែងខ្លាំងក្នុងភូមិតេជោភ្នំឆ័ត្រ ឃុំនិងស្រុកស្វាយចេកខេត្តបន្ទាយមានជ័យ បង្ករឡេីងដោយរថយន្តទំនេីប១គ្រឿងMAZDA PICH UPពណ៌សពាក់ស្លាកលេខMR SELLA បានរ៉េចង្កូតជ្រុលទៅធ្លាក់ទឹកស្រះ ធ្វេីឲ្យមនុស្សក្នុងរថយន្តចំនួនបួននាក់ស្លាប់ភ្លាមៗនៅក្នុងរថយន្តតែម្ដង។ តាមការស្រាវជ្រាវរបស់សមត្តកិច្ចឲ្យដឹងថា អ្នកស្លាប់ដោយគ្រោះថ្នាក់ជាឯកតោភាគីទាំងបួននាក់នេះមាន១.ឈ្មោះគិមហេង ភេទប្រុសអាយុ55ឆ្នាំជាអ្នកបេីករថយន្ត មានទីលំនៅភូមិយាងថ្មី ឃុំកូបស្រុកអូរជ្រៅខេត្តបន្ទាយមានជ័យមានមុខរបរលក់គ្រឿងសំណង់នៅទល់មុខធនាគារអេសុីលីដាឃុំកូប។ ២.គង់វណ្ណាភេទស្រីអាយុ53ឆ្នាំជាប្រពន្ធគិមហេង។ ៣,គិមធាភេទស្រីអាយុ42ឆ្នាំ ជាប្អូនបង្កេីតគិមហេង។ ៤,កុមារី ហេង រតនាអាយុ6ឆ្នាំត្រូវជាចៅបង្កេីតគិមហេង។ តាមការសន្និដ្ឋានរបស់លោកសែសវិបុលអធិការប៉ូលីសស្រុកអូរជ្រៅដែលពិនិត្យតាមដានរថយន្តនិងសភាពផ្លូវនៅកន្លែងកេីតហេតុឲ្យដឹងថារថយន្តបេីកបរក្នុងល្បឿនលឿនលុះមកដល់ផ្លូវកែងក៏បួងចង្កូតខ្លាំងបណ្ដាលឲ្យឡានក្រឡាប់ជាច្រេីនត្រឡប់ហេីយធ្លាក់ចូលក្នុងស្រះ បណ្ដាលឲ្យអ្នកនៅក្នុងឡានទាំងអស់គ្នាឈ្លក់ទឹកស្លាប់តែម្ដងទៅ ព្រោះពេលឡានជួបគ្រោះថ្នាក់ភ្លាមគ្មានអ្នកណានៅក្បែរទេព្រោះជាកន្លែងស្ងាត់ ទម្រាំមានអ្នកធ្វេីដំណេីរមកឃេីញហេីយក៏មិនបានជួយសង្គ្រោះភ្លាមៗគឺត្រូវទូរស័ព្ទទៅរាយការជូនសមត្តកិច្ចសិន ទម្រាំកម្លាំងមកដល់អ្នករងគ្រោះដាច់ខ្យល់ស្លាប់អស់គ្មានសល់។ លោកសែស វិបុលអះអាងទៀតថា ឡានក្រឡាប់ជាច្រេីនត្រឡប់ធ្វេីឲ្យអ្នកជិះខាងក្នុងរបួសគ្រាំ្រគាមិនអាចរកផ្លូវចេញរួចទេីបកេីតមានសោកនាដកម្មទាំងគ្រួសារដូច្នេះ។ សូមជម្រាបថាមច្ចុរាជដងផ្លូវចាំតែលេបត្របាក់យកជីវិតមនុស្សគ្រប់ពេលដោយគ្មានការយោគយល់អ្នកណាេឡីយ ដូច្នេះសូមអ្នកធ្វេីចរាចរណ៍លេីដងផ្លូវបង្កេីនការប្រុងប្រយ័ត្នឲ្យបានខ្ពស់បំផុត។ កុំភ្លេច ថ្ងៃនេះថ្ងៃស្អែក កុំឲ្យមានគ្រោះថ្នាក់ចរាចរណ៍។ អក្ខរា០២ រូបថតផ្ដល់ដោយលោកខៀរបូរី
