ភ្លៀង លាយឡំខ្យល់កន្ត្រាក់ បណ្តាលឲ្យស្ត្រីម្នាក់បានស្លាប់ និង របួសធ្ងន់៣នាក់ រួមទាំងបំផ្លាញផ្ទះប្រជាពលរដ្ឋជាច្រើនខ្នង នៅស្រុកកំពង់ស្វាយ

ខេត្តកំពង់ធំ: យ៉ាងហោចណាស់ មានស្ត្រីម្នាក់បានបាត់បង់ជីវិតយ៉ាងអណោចអាធ័ម និង របួសធ្ងន់៣នាក់ទៀត រួមទាំងខូចខាតផ្ទះប្រជាពលរដ្ឋអស់ជាច្រើនខ្នងផងដែរ ក្នុងហេតុការណ៍ខ្យល់កន្ត្រាក់មួយនេះ។ ប្រភពពីសមត្ថកិច្ចមូលដ្ឋានបានឲ្យដឹងថាហេតុការនេះ កើតឡើងវេលាម៉ោងប្រមាណ ១:៤០នាទី ថ្ងៃទី០២ មិថុនា ២០២១ ស្ថិតក្នុងភូមិសាស្រ្ត ឃុំជ័យ ស្រុកកំពង់ស្វាយ ខេត្តកំពង់ធំ។ ក្នុងហេតុការនោះដែរបណ្តាលឲ្យស្ត្រីម្នាក់ឈ្មោះ ណាន នីន ភេទស្រី អាយុ ៣៦ឆ្នាំ(ស្លាប់) /ទី២ឈ្មោះ ឡាយ លឹម ភេទប្រុស អាយុ៣៦ឆ្នាំ របួសធ្ងន់(តៃកុងអាត្រាក់)/ ទី៣ ឈ្មោះឃឿន លីណា ភេទប្រុស អាយុ៧ឆ្នាំ របួសធ្ងន់ (កូនស្ត្រីដែលស្លាប់)/ និងម្នាក់ទៀត ឈ្មោះ ឃឿន ស៊ីថា ភេទប្រុស អាយុ៩ខែ (កូនស្ត្រីដែលស្លាប់) ជនរងគ្រោះទាំងអស់រស់នៅ ភូមិ តាឆាវ ឃុំជ័យ ស្រុកកំពង់ស្វាយ ។ បច្ចុប្បន្នសាកសពប្រគល់ជូនសាច់ញាតិយកធ្វើបុណ្យតាមប្រពៃណី ចំណែកអ្នករងរបួសកំពុងបញ្ជូនទៅព្យាបាលនៅ មន្ទីរពេទ្យខេត្តសៀមរាប។ ហេតុការណ៏នេះដែរបណ្តាលខូចខាតផ្ទះប្រជាពលរដ្ឋមាន: +ក្នុងនោះភូមិតាធាវ ៣៣ខ្នង -រលំទាំងស្រុង០៧ខ្នង -របើកដំបូលទាំងស្រុង ០៣ខ្នង -របើកដំបូលចំហៀង ២២ខ្នង – ត្រេតផ្ទះ១ខ្នង +ភូមិម្ហរ០៥ ខ្នង – របើកដំបូល០៥ខ្នង +ភូមិលា្វ ០៥ខ្នង – រន្ទះបាញ់គោស្លាប់១ក្បាល -របើកដំបូលទាំងស្រុង០១ខ្នង -របើករជញ្ញាំង០២ខ្នង -រន្ទះបាញ់ឆេះរោង០១ខ្នង ជាលទ្ធផលករណីខ្យល់កន្ត្រាក់នេះបានបំផ្លាញផ្ទះប្រជាពលរដ្ឋ ទាំងអស់សរុប ៤៣ខ្នង ស្លាប់មនុស្ស១នាក់របួសធ្ងន់០៣នាក់ និង ងាប់គោ១ក្បាលផងដែរ។

rmnasia

Byrmnasia

Like this:

By rmnasia

Related Post

សមត្ថកិច្ចកងរាជអាវុធហត្ថរាជធានីភ្នំពេញ ឃាត់ខ្លួនជនសង្ស័យ០២នាក់ បញ្ជូនទៅតុលាការ ពាក់ព័ន្ធករណីគ្រឿងញៀន!

សេចក្ដីបំភ្លឺព័ត៌មាន

Leave a Reply Cancel reply

You missed