ភ្នំពេញ: នៅព្រឹកថ្ងៃទី ៦ ខែឧសភា ឆ្នាំ២០២១ វេលាម៉ោង៨:១៥នាទី ស្ថិតនៅក្នុងបរិវេណវត្តអរុណវត្តី សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។បានរៀបចំពិធីប្រគល់ប័ណ្ណចាក់វ៉ាក់សាំងស៊ីណូហ្វាមជូនដល់បងប្អូនប្រជាពលរដ្ឋ កម្មករកម្មការិនី (ដែលបានចាក់រួចរាល់ហើយ)ចំនួន៤០០នាក់ ។
នៅក្នុងពិធីប្រគល់ប័ណ្ណចាក់វ៉ាក់សាំងជូនបងប្អូនប្រជាពលរដ្ឋក្នុងវត្តអារុណវត្តីសង្កាត់ត្រពាំងក្រសាំងសមាសភាពគណៈកម្មការចូលរួមមាន: ១/លោកឧត្តមសេនីយ៍ ឃឹម ជាសុឃឿន មេបញ្ជាការកងទ័ពជើងគោកតំណាងដ៏ខ្ពង់ខ្ពស់ឯកឧត្តម ឧត្តមសេនីយ៍ឯក ហ៊ុន ម៉ាណែតជាគណៈធិបតី ក្នុងពិធីផ្តល់ប័ណ្ណជូនកម្មករកម្មការិនី។
២/លោកស្រី ឈុន ស៊ុនី អភិបាលរងតំណាងអោយ លោក ហែម ដារិទ្ធ អភិបាលនៃគណៈអភិបាលខណ្ឌពោធិ៍សែនជ័យ។ ៣/លោក ហ៊ត រដ្ឋា ចៅសង្កាត់ត្រពាំងក្រសាំង
៤/លោក កុយ ប៊ុនថន ក្រុមការងារចុះជួយបក្សត្រពាំងក្រសាំង។ ក្នុងពិធីប្រគល់ប័ណ្ណជូនបងប្អូនប្រជាពលរដ្ឋ ក៏ដូចជាកម្មករកម្មការិនី លោកឧត្តមសេនីយ៍ ឃឹម ជាសុឃឿន បានថ្លែងសន្តរកថា ក្នុងនាមលោកតំណាងឱ្យឯកឧត្តម ហ៊ុន ម៉ាណែត អគ្គមេបញ្ជាការរងកងទ័ពជើងគោក ក៏ដូចជាគោលការណ៍របស់រាជរដ្ឋាភិបាល សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តែងតែយកចិត្តទុកដាក់និងគិតគូរ សុខភាព សុខទុក្ខ របស់បងប្អូនប្រជាពលរដ្ឋកម្ពុជាយើង។ ហើយ វ៉ាក់សាំង យកមកចាក់ចែកជូនបងប្អូនប្រជាពលរដ្ឋ មានជំនួយពីមហាមិត្ត ហើយ រាជរដ្ឋាភិបាលបានទិញវ៉ាក់សាំងបន្ថែមដើម្បីចាក់ចែកជូនបងប្អូនប្រជាពលរដ្ឋទាំងតំបន់ក្រហម តំបន់លឿងទុំ តំបន់លឿង និងប្រជាពលរដ្ឋទាំងអស់ឲ្យបានគ្រប់គ្នា។
លោកឧត្តមសេនីយ៍ ឃឹម ជាសុឃឿន បានបន្តទៀតថា: ប័ណ្ណសម្គាល់ចាក់វ៉ាក់សាំងនេះមានសារៈសំខាន់ដល់បងប្អូនប្រជាពលរដ្ឋក៏ដូចជាកម្មករកម្មការនី ក្នុងការប្រកបអាជីវកម្មនិងធ្វើការងារផ្សេងៗ តែសុំកុំភ្លេចត្រូវចេះការពារ ជាពិសេស វិធានការ ៣កុំ ៣ការពារ ហើយត្រូវអនុវត្តតាមគោលការណ៍របស់ក្រសួងសុខាភិបាលក៏ដូចជារាជរដ្ឋាភិបាលកម្ពុជាយើង ដើម្បីជៀសវាងការរីករាលដាលឆ្លងនៃជំងឺដ៏កាចសាហាវមួយនេះ ៕N7

By rmnasia

Leave a Reply

Your email address will not be published. Required fields are marked *

You missed

ឧត្តមសេនីយ៍ឯក រ័ត្ន ស្រ៊ាង ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែនឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ និងមន្ត្រីក្រោមឱវាទ បានចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា។គម្រោងផែនការនេះ គឺជាអំពើភេរវកម្មប៉ុនប៉ងសម្លាប់ថ្នាក់ដឹកនាំកំពូលរបស់ជាតិ ដើម្បីទាញកម្ពុជា ឲ្យធ្លាក់ទៅក្នុងភាពវឹកវរសង្គមសង្គ្រាមសាជាថ្មី។យើងខ្ញុំសូមប្រកាសថ្កោលទោស ប្រឆាំងយ៉ាងដាច់អហង្ការចំពោះទង្វើទាំងឡាយ ដែលជាអំពើភេរវកម្ម ដែលបង្កឡើងដោយក្រុមឧទ្ទាមក្រៅច្បាប់។សូមជម្រាបថា សម្តេចតេជោ ហ៊ុន សែន នៅថ្ងៃទី១៣ ខែកុម្ភៈ ឆ្នាំ២០២៥ បានទម្លាយសំឡេង ដែលក្រុមជ្រុលនិយមបានរៀបចំផែនការភេរវកម្ម ប៉ុនប៉ងធ្វើឃាតលើសម្តេច និងគ្រួសារ តាមរយៈការវាយតាមដ្រូន ចូលភូមិគ្រឹះរបស់សម្តេច។សម្តេចតេជោ ហ៊ុន សែន បញ្ជាក់យ៉ាងដូច្នេះថា «ខ្ញុំសូមចែករំលែកនូវព័ត៌មានតូចមួយ នៃផែនការភេវកម្មដែលប៉ុនប៉ងធ្វើឃាតលើរូបខ្ញុំ និងគ្រួសារខ្ញុំ។ យើងដឹងមេធំរបស់គេជាអ្នកណា ហើយនៅទីណា? តែយើងមិនទាន់បញ្ចេញនៅពេលនេះទេ ព្រោះយើងត្រូវកំចាត់ពួកជ្រុលនិយម និងហិង្សានិយមឲ្យអស់សិន។ តើប្រទេសដែលអួតខ្លួនថាប្រជាធិបតេយ្យ និងគោរពសិទ្ធមនុស្ស គាំទ្រអំពើបែបនេះ និងឲ្យជនទាំងនេះ ស្នាក់នៅក្នុងប្រទេសខ្លួនឬទេ?»។សម្តេចតេជោ ហ៊ុន សែន បានចោទជាសំណួរថា «យើងរង់ចាំមើលបណ្តាបក្សនយោបាយ និងអ្នកនយោបាយណាខ្លះ ដែលចេញមុខថ្កោលទោស ឬនៅស្ងៀម ឬគាំទ្រចំពោះទង្វើបែបនេះ?។ ខ្ញុំសូមប្រកាសថា ខ្ញុំនឹងកំចាត់ចោលអ្នកណាក៏ដោយដែលចង់សម្លាប់ខ្ញុំ និងគ្រួសារខ្ញុំ។ ខ្ញុំសូមជូននូវសារសំឡេង២ ដែលទី១ មុនខ្ញុំប្រកាសនៅខេត្តកណ្តាល និងទី២ គឺក្រោយខ្ញុំប្រកាស គឺនៅថ្ងៃទី១២ ខែកុម្ភៈ ឆ្នាំ២០២៥ ម្សិលមិញ»៕