លោកឧត្តមសេនីយ៍ទោ ឯម កុសល សស្នងការនគរបាលខេត្តកំពង់ចាម អញ្ជើញចូលរួមក្នុងពិធីប្រគល់ជូន ថវិកា ម៉ាស់ អាល់កុល ពី ឯកឧត្តម អភិបាល នៃគណៈអភិបាលខេត្តកំពង់ចាម
ខេត្តកំពង់ចាម : នៅថ្ងៃទី២៨ ខែកញ្ញា ឆ្នាំ២០២១ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានទទួលអំណោយពីរដ្ឋបាលខេត្តកំពង់ចាម នូវថវិកាចំនួន ១០,០០០,០០០ រៀល អាល់កុលចំនួន០៥កាន (០១កាន ៣០លីត្រ) ម៉ាស់ចំនួន០៨កេសធំ (ស្មេី២ម៉ឺនសន្លឹក) ដើម្បីបម្រើលើការងារប្រយុទ្ធប្រឆាំងនឹងជំងឺកូវីដ-១៩ ក្នុង ភូមិសាស្ត្រខេត្តកំពង់ចាម ដែលកំពុងមានការឆ្លងរាលដាលចូលក្នុងសហគមន៍គួរឱ្យព្រួយបារម្ភ ។
កម្មវិធីនេះប្រព្រឹត្តទៅនៅសាលាខេត្តកំពង់ចាម ក្រោមអធិបតីភាព ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ និងមានការចូលរួមពីសំណាក់៖ ឯកឧត្តម ប្រធានក្រុមប្រឹក្សាខេត្ត ឯកឧត្ដម លោកជំទាវ សមាជិកក្រុមប្រឹក្សាខេត្ត ឯកឧត្ដម លោកជំទាវ អភិបាលរងខេត្ត កងកម្លាំងប្រដាប់អាវុធ មន្រ្តីរាជការថ្នាក់ខេត្ត និងលោក-លោកស្រី សមាជិកសមាជិកាជាច្រេីនរូបផ្សេងទៀត ។
ជំនួសមុខឱ្យ កងកម្លាំងទាំងអស់ នៃស្នងការដ្ឋាននគរបាលខេត្តកំពង់ចាម លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានគោរពថ្លែងអំណរគុណយ៉ាងជ្រាលជ្រៅ និងកក់ក្ដៅបំផុត ចំពោះការគិតគូរយកចេះទុកដាក់ពីសំណាក ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានឧបត្ថម្ភសម្ភារ: និងថវិកាដេីម្បីទ្រទ្រង់ លេីការងារប្រយុទ្ធប្រឆាំងជំងឺកូវីដ-១៩ ក្នុងសមាគមន៍ ៕
